Поради основано сомнение дека се сторители на едно кривично дело „Попречување на службено лице во вршење службени дејствија“ Полициската станица Струга при СВР Охрид, поднесе кривична пријава против лицето Д.Б. роден 1962 година од селото Велешта и неговиот син Е.Б. роден 1985 година. Полициската станица Струга, кривична пријава поднесе и против лицето Ј.Н. роден 1983 година од Струга поради основано сомнение дека сторил едно кривично дело „Предизвикување општа опасност“. Лицата се лишени од слобода и во текот на вчерашниот ден требаше да бидат предадени во Основниот суд во Струга.
На ден 01.08.2009 година, околу 17.15 часот,на плажата „Блу скај“ во Струга, пријавениот Ј.Н. управувајки скутер удрил во лицето М.Р. родена 1995 година која пливала во езерото по што го напуштил лице местото. Таа е пренесена во медицинскиот центар во Струга каде се констатирани лесни телесни повреди во пределот на главата.
Непосредно по незгодата, полициски службеник вработен во МВР на РМ, легитимирајки се, се обидел да го задржи возачот на скутерот но при преземање на службените дејствија бил спречен од Д.Б. и неговиот син Е.Б. кој, при расправијата со полицискиот службеник извадил нож.
По преземените оперативни мерки, полициските службеници го пронајдоа возачот на скутерот кој со помош на Д.Б. и Е.Д. брзо ја напуштил плажата „Блу скај“.
Ohridnews
