Вадим Денисенко, советник на министерот за внатрешни работи на Украина, соопшти дека во областа околу Буча северозападно од Киев е прогласен полициски час за да се спречат грабежи. Истовремено тој посочи дека голем проблем во областа претставуваат мините и неексплодираните убојни средства оставени по заминувањето на руските трупи.
Во голем број населени места во областа Буча е воведен седумдневен полициски час, од две причини. Првата е деминирање, а втората да се спречат грабежи бидејќи во реонот се појавуваат ограбувачи. Полицијата сама нема да може да се справи, затоа работиме овде со Територијалната одбрана, локалните власти и локалното население што остана во овие области, рече Денисенско.
Според официјално соопштение на воениот гувернер на регионот Киев, прогласен е строг полициски час во Хостомел во близина на Буча, што ќе трае се до 6 часот наутро на 14 април.
Инаку, Денисенко уште посочи украинските власти влада се исправени пред обемна и тешка задача да собираат и деактивирааат мини и неексплодирани убојни средства.
Само во регионот на Киев вчера биле деминирани повеќе од 1.500 експлозивни направи. Тоа е само во регионот на Киев. А ние зборуваме за регионот Киев, регионот Чернихив, регионот Суми – сите територии што успеавме да ги ослободиме, посочи тој.
OhridNews
