Ботоксот повеќе не е популарен само меѓу мажите и жените кои сакаат да изгледаат младолико, туку и меѓу страствените покер играчи. Професионалните покераши вбризгуваат ботокс во лицето, како би ги спречиле гримасите и така полесно би блефирале. Покерашите ширум САД полуделе за „покертокс“, како што го нарекуваат ботоксот кој спречува мимики на лицето.
Естетскиот хирург Џек Берди објаснил дека многу малку луѓе можат да сложат добар покерашки изглед на лицето. Оној кој ќе успее да блефира без да биде забележан имал голема предност пред другите. Еден третман чинел околу 500 евра, а ефектот траел околу четири месеци. Лицата кои го користат имаат ист израз на лицето, без оглед на тоа дали се воодушевени, разочарани или лути.
