Под влијание на студена воздушна маса од север, која во Европа ја носи циклонот Реа, на Балканот и во Македонија деновиве ќе имаме нови врнежи од снег и ниски температури.
Во петок ќе преовладува облачно време преку денот со умерен повремено засилен северен ветер и со врнежи кои ќе бидат понтензивни во источните делови од земјата особено преку ноќта кон сабота. На планините врнежите ќе бидат од снег, а на југоисток од дожд. Во северните и западните делови од земјата врнежите на пониските места ќе бидат повремено од дожд и снег. На планините ќе се формира нова дополнтелна снежна покривка, на места со дебелина од 20см нов снег, а новите количества врнежи на места ќе надминуваат 25л/м2 за 24 часа, информираат од УХМР Македонија.
Во сабота ќе преовладува променливо облачно и постудено време, претпладне со слаб локален снег. Минималната темратура ќе се спушти до -4, а дневната нема да биде повисока од 7. Во недела ќе имаме променливо облачно и студено време, со умерен северен ветер и со услови за слаб локален снег. Утринските температури ќе бидат уште пониски до -7, а дневната ќе достигне до 8 степени Целзиусови.
OhridNews
