Малопродажната цена на бензините од ноќеска на полноќ поевтинуваат, додека цената на дизел горивата и екстра- лесното масло останува непроменета.
Новата цена на Еуросупер БС-95 поевтинува за половина денар и ќе изнесува 67,50 денари за литар, а на Еуросупер БС-98 поевтинува за денар и ќе изнесува 69 денари за литар.
Цената на Еуродизелот (Д-Е В) останува иста и од ноќеска ќе се продава по 57,50 ден/лит, а цената на Екстра лесното масло за домаќинство (ЕЛ-1) ќе изнесува 46,00 ден/лит.
Малопродажната цена на мазутот М-1 НС се намалува за 0,551 денари за килограм во однос на претходната цена. Така цената на М-1 НС изнесува 31,700 денари за килограм.
Одлуката за поевтинувањето на бензините е донесена поаѓајќи од просечната цена на суровата нафта на светскиот пазар и курсот на денарот во изминатите 14 дена.
