На 15 и 16 август ќе се одржи големата културна манифестација “Поетска ноќ во Велестово”. Првата вечер е посветена на поетесата Кристина Николовска, а нејзини стихови ќе читаат Кирил Ристоски, Влатко Илиевски, Трајанка Илиевска-Таци, Викторија Степановска и Маја Андоновска. Ќе биде отворена и изложбата “Александар Македонски” од авторите Сергеј Андреевски и Дик Робертс.
Новиот дом на култура во Велестово
На 16 август во 11 часот свечено ќе биде пуштен во употреба Домот на културата во Велестово, а напладне ќе се одржи поетски митинг. Во 13 часот се закажани промоции на две монографии:”Црквата Успение на пресвета Богородица” и “20 години Поетска ноќ во Велестово”.
Новиот дом на култура во Велестово
“Вака, вака и вака… итн. и др. и сл. ” е претставата што во 21 часот ќе ја изведат студентите од факултетот за драмска уметност во класата на професорот Владо Цветановски и доцент Мими Таневска.
Се очекува, 20-тата по ред Поетска ноќ во Велестово да ја отвори министерката за култура на Република Македонија, Елизабета Канческа- Милевска.
А. Р.
