Поемата „Атлантида“ под шифрата „Црв“ е добитник на наградата „Григор Прличев“ за 2008 година на конкурсот што го распишува издавачката куќа „Детска Радост“.
„Атлантида“ била најдобра од десете пристигнати поеми на конкурсот, соопшти тричленото стручно во состав Митко Маџунков, претседател, Вера Чејковска и Лидија Капушевска Дракулевска-членови.
Жирито информираше дека поемата претставува дел од низата дела со „егејска тема“, кои се доста застапени во македонската поезија.
Наградата во вредност од 1.500 евра на авторот на „Атлантида“ ќе му биде врачена на манифестацијата „Прличеви беседи“ која традиционално се одржува на 6-ти февруари во Охрид.
Ohridnews
