Подземната гаража во стамбено деловниот комплекс кај старата автобуска станица, прва од таков тип во Охрид, најверојатно ќе биде ставена во функција наредната недела. Деновиве забрзано течат финалните работи околу оспособување на паркиралиштето кое се најавуваше дека ќе биде готово до почетокот на главната туристичка сезона. Поставени се рампите и контролната кабина, а се работи и на влезовите од подземната гаража.
Финишира изградбата на подземната гаража во центарот на Охрид
Според најавите подземната гаража ќе биде со капацитет за околу 200 до 300 возила со што во голема мерка ќе се ублажи хроничниот недостаток на паркинг места во туристичкиот шпиц.
Г. Момироски
