Јавните установи, трговските друштва, невладините здруженија и граѓани, од Република Македонија, заклучно со 30 јуни ќе може да поднесат Иницијатива за доделување на државната награда „Св. Климент Охридски”.
Со државната награда „Св. Климент Охридски”, се оддава највисоко признание за долгогодишни остварувања во областа на воспитанието, образованието, културата, уметноста, здравството, спортот, заштитата на околина и во социјалната дејност. Државната награда се доделува секоја година на поединци, група творци, екипи, установи, трговски друштва и здруженија на граѓани од земјава.
Подетални информации околу начинот на поднесување на инцијативите може да прочитате во целосниот текст на Јавниот оглас, кој е објавен на веб-страницата на Министерството за култура.
OhridNews
