Поднесено Барање за покренување кривична постапка против непознат сторител до ОЈО на РСМ-ОЈО Струга за сторено кривично дело Загадување на животна средина и природата (Член 218 став 1 и Член 234 став 5), од Кривичниот Закон на Република С. Македонија, по вонредниот инспекциски надзор на опожарената трската во с.Калишта.
Државниот инспекторат за животна средина на ден 17.03.2022г. изврши вонреден инспекциски надзор по претходно добиена медиумска информација за опожарување на трските во Охридското Езеро во близина на с.Калишта, Струшко, во кој учествуваа Државен Инспектор за заштита на природата и Државен Инспектор за животна средина, канцеларија Охрид.
Инспекцискиот надзор е извршен на потегот помеѓу Струга и с.Калишта, каде што при увидот со Записник за констатација е константирано дека на брегот од Охридското Езеро има уништување на трска и друга вегетација, со опожарување во должина од околу 450 метри и ширина од 50 метри лево од пешачката патека која води од Струга спрема с.Калишта, а десно помеѓу патеката и регионалниот пат Струга – с.Калишта имаше запалена вегетација на две локации. Дел од изгорената трска и вегетација не е опожарена пред временскиот период кога е извршен надзорот, бидејќи има појава на обновување односно раст на нова вегетација. Опожарената трска беше на средината од Струга и с.Калишта, велат од ДИЖС.
Со оглед на општинските надлежности кои произлегуваат од Законот за управувањето со природното и културното наследство во Охридскиот регион (Сл.весник на РМ бр.75/2010), велат од ДИЖС, доставен е допис до Општина Струга со укажување дека општината е одговорна за управување и спроведување на мерки и активности за заштита и промовирање на светското природно и културно наследство на Охридскиот регион и спречување на активности кои негативно влијаат врз исклучителните вредности на природното и културното наследство во Охридскиот регион.
Имателите на светско природно и културно наследство во Охридскиот регион се одговорни за одржувањето, чувањето, почитувањето и правилното користење на природното и културното наследство. Општина Струга како имател на светското природно наследство треба да постави знак за светското наследство на начин определен во (членот 20 став) и преземање на мерки што произлегуваат од Планот за управување со природното и културното наследство во Охридскиот регион, потенцираат од ДИЖС.
OhridNews
фото. ДИЖС
