Заклучно со вториот ден од јуни, од страна на работодавачите и самовработените лица поднесени се вкупно 27.100 барања за користење на мерките за финансиска поддршка за месец мај 2020, информира Управата за јавни приходи.
За мерката – Финансиска поддршка на физички лица кои вршат самостојна дејност образец БФС-СВД поднеле 4.733 самовработени лица од кои 4.064 барања се прифатени.
За мерката – Финансиска поддршка за исплата на плата за мај 2020, образец БФП-ИП поднеле 20.127 компании од кои 16.610 барања се прифатени.
За мерката – Субвенционирање на исплатата на придонеси од задолжително осигурување образец БС-ПЗСО поднеле 2.240 компании од кои 1.909 барања се прифатени.
Барање за мерките за финансиска поддршка на физички лица кои вршат самостојна дејност и Субвенционирање на исплатата на придонеси од задолжително осигурување рокот за пријавување истекува на 5 јуни, додека за финансиска поддршка за исплата на плата за мај 2020, рокот е 7 јуни.
OhridNews
