Со пригодна свеченост во селото Подмоље беше пуштено во употреба повеќенаменското спортско игралиште кое се протега на 750 квадратни. На игралиштето има терен за мал фудбал, кошарка и терен за одбојка со песок.
– Ова повеќенаменско игралиште за фудбал , кошарка и одбојка ќе внесе нов, позитивен момент во секојдневието на мештаните. Ќе се согласиме дека, спортувањето и физичката активност се едни од најбитните сегменти во општествениот живот кој има повеќекратни позитивни ефекти врз идниот развој на сите нас . Спортската активност е клучен фактор за создавање на здрави генерации, какви што му се потребни на Охрид и Република Македонија. Токму затоа, ние како Локална власт правиме се за спортско пулсирање на градов. Ветеното го исполнуваме. Охрид веќе има 18 спортски игралишта а насочени сме кон изградба на останатите од вкупно 30 игралишта за маалски баскет кои треба да ги добие Охрид. – рече градоначалникот Никола Бакрачески.
Во изградбата на повеќенаменското спортски игралиште учествуваа охридските јавни претпријатие, а чини 730 000 денари.
На ревијалниот турнир во Подмоље победи екипата на Оровник совладувајќи го во финалето тимот на Лавови.
Ohridnews
