Подигнати 36 кубици кабаст и друг отпад од Пештани, акцијата денеска продолжува во населбата „Радојца Новичиќ“

Во рамки на акцијата на ЈП „Охридски Комуналец“ во Пештани, подигнат е кабаст и зелен отпад, вкупно 36 кубици.

Во акцијата биле вклучени 12 вработени, 2 камиони и трактор, информира јавното комунално претпријатие.

Акција за собирање кабаст отпад (стар мебел, душеци, телевизори, шпорети, теписони и др.), Ј.П. „Охридски Kомуналец” денеска спроведува во У.З.14 Радојца Новичиќ.

Кабастиот отпад треба да е уредно оставен до контејнерите или други пристапни места предвидени за подигнување комунален отпад.

Ова е последна акција од пролетниот циклус согласно годишниот календар на акции за подигање кабаст и зелен отпад за 2023 година, со есенскиот циклус продолжуваме од 02.09.2023 година, информира  Ј.П. „Охридски Kомуналец”.

OhridNews