Под мотото „НЕ ЧЕКАЈ!ПРЕВЕНИРАЈ! Заедничка борба за женско и машко здравје!” во НУЦК „Григор Прличев” Охрид се одржа трибина во организација на СДСМ.
Преполната сала и одличната атмосфера на едукативната трибина во Охрид потврдува дека граѓаните сакаат да бидат информирани, да слушнат совети и насоки од стручни лица за најдрагоценото-здравјето. Значаен придонес на трибината дадоа врвни македонски доктори, докажани експерти, медицински лица, професори и специјалисти од различни области. Информираноста е лек! Ваквите трибини се од големо значење за секој еден граѓанин, велат од СДСМ.
Потенцираат дека како општествено одговорна партија продолжуваат со едукативните трибини ширум државата за поголема инфромираност, јакнење на свеста за превенцијата и навремените прегледи како клучни во борбата за подобро машко и женско здравје.
Пред присутните се обратија спец. Д-р Асен Шајн, оториноларинголог, спец. Др. Тони Чифлигароски, рентгенолог, спец. Др. Александар Поповски, нефролог, проф. Др. Маја Мојсова Мијовска – спец. Анестезиолог – интензивист, национален координатор за трансплантација, проф. Др. Калина Гривчева Старделова и асс. Д-р Маја Манолева – спец. по анестезија, реанимација и интензивна медицина и заменик министерка за здравство.
OhridNews
