“1000 градови – 1000 животи” е мотото на кампањата по повод Светскиот ден на здравјето, кој се обележува денеска. Оваа година, Светскиот ден на здравјето, е фокусиран на поврзаноста помеѓу урбанизацијата и здравјето. Според Светската здравствена организација, оваа тема е избрана поради негативното влијание кое урбанизацијата го има врз нашето колективно здравје на глобално ниво, како и на сите нас поединечно.
Светскиот ден на здравјето, 7 април се прославува секоја година со што се одбележува и денот на основањето на Светската Здравствена Организација (СЗО). СЗО е посебна организација на Обединетите нации која делува како кординативно тело на меѓународното јавно здравство. Седиштето на СЗО е во Женева, Швајцарија. Онована е на 7 април 1948 година од Обединетите нации. СЗО е наследник на Здравствената организација (Хеалтх Организатион), агенција на Лигата на нациите.
Секоја година, СЗО избира клучен глобален здравствен проблем и на 7–ми април, но и во текот на целата година, организира меѓународни, регионални и локални манифестации за да ја истакне важноста на избраниот глобален здравствен проблем.
OhridNews
