32 екипи поделени во осум групи вечерва ја започнуваат трката по престижниот трофеј во најелитното европско фудбалско натпреварување Лигата на Шампиони.
Актуелен освојувач на трофејот е Манчестер Јунајтед. Во ниту едно досегашно издание од Лигата на Шампиони, бранителот не успеал да ја одбрани титулата.Во последните три години, освојувачите беа елиминирани во осмина финалето.
Во овогодинешната лига на шампиони 17 земји имаат свои преставници. Ниту во ова издание Македонија нема свој преставник, а оваа сезона ќе нема ниту Македонци кои ќе играат во ЛШ. Дебитанти се екипите на Клуж (Романија), Анортозис (Кипар) и Бате Борисов (Белорусија).
Вечерва играат:
Група А: Челси – Бордо, Рома – Клуж.
Група Б: Панатинаикос – Интер, Вердер – Анортозис.
Група Ц: Базел – Шахтјор, Барселона – Спортинг.
Група Д: ПСВ Ајндховен – Атлетико Мадрид, Олимпик Марсеј – Ливерпул.
Утре играат:
Група Е: Манчестер јунајтед – Вилјареал, Селтик – Олборг.
Група Ф: Стеауа – Баерн Минхен, Олимпи Лион – Фјорентина.
Група Г: Порто – Фенербахче, Динамо Киев – Арсенал.
Група Х: Јувентус – Зенит, Реал Мадрид – БАТЕ Борисов.
Натпреварите започнуваат во 20.45 мин.
