Рене Анжелил водеше долга битка со ракот на грлото, а вчера ја изгуби. Пејачот и менаџер на популарната пејачка Селин Дион почина во седумдесет и третата година од животот во семејниот дом во Лас Вегас. Семејството на популарната пејачка ги замоли медиумите да ја почитуваат нивната приватност и тага во овие тешки моменти.
Рене и Селин беа во брак 22 години. Разликата од 26 години никогаш не им сметаше, а во бракот добија три сина, Рене Шарл, Нелзон и Еди, додека од претходните врски Анжелил има уште три деца. Цело време додека траеше нивниот брак, Рене покрај се останато беше и менаџер на популарната пејачка.
