Ракометарот на Бутел, кој еден дел од интернационалната кариера мина во ГРК Охрид, хрватскиот интернационалец Денис Тот починал денеска претпладне на Клиниката за анестезија, реанимација и интензивно лекување КАРИЛ. Тој бил примен во Ургентниот центар во Скопје ноќеска, без срцева акција и без траги на насилство.
Ноќта помеѓу 6 и 7 април на Ургентниот центар примен е 27 годишен пациент без срцева акција. На пациентот не се забележани видливи траги од насилство при приемот. После целоноќна борба и реанимации, кај пациентот е вратена срцевата акција и истиот е хоспитализиран на Клиниката за анестезија, реанимација и интензивно лекување каде продолжува да е во критична состојба, изјави Маја Мојсова директорка на КАРИЛ.
Како што рече Мојсова, кај пациентот не се пронајдени активни супстанци при крвни анализи, и неговото тело е предадено на судска медицина за понатамошна обдукција.
Претходно, МВР соопшти дека вчера во 04:11 часот од Клинички центар во СВР Скопје е пријавено дека кај нив во бесознание, без видливи траги на насилство е донесен Д.Т. и веднаш му е пружена лекарска помош.
Дел од медиумите објавија дека станува збор за хрватскиот ракометен интернационалец Денис Тот кој игра за клубот Бутел. Повикувајќи се изјава на член на неговото семсјтво, наведуваат дека тој бил претепен вчера во Скопје.
ГРК Охрид изрази сочувство до семејството на прерано починатиот Тот, како и до РК Бутел.
OhridNews
