Актерот, режисер и продуцент Џорџ Клуни е добитник на овогодинешната престижна награда „Sesil B. de Mil“ за допринос во кинематографијата. Клуни признанието ќе го прими во јануари 2015 година на церемонијата за доделување на „Златните глобуси“, соопштиле организаторите на таа свеченост.
Наградата, која се смета за почесен „Златен глобус“, го носи името на пионирот на американската кинематографија, режисерот и продуцент Сесил Де Мил, со „Оскар“ награден во 1952 година за филмот „Најголемата претстава на светот“. Меѓу претходно наградените со оваа награда се Вуди Ален, Џоди Фостер, Морган Фримен, Роберт де Ниро, Мартин Скорсезе, Стивен Спилберг…
