Победи за Интерлогистик и Бел Мерцедес во Г групата

18.03.10 00:05

Стартни победи во Г групата во првото коло остварија екипите на Бел Мерцедес, односно Интерлогистик. Во првиот натпревар во оваа група Бел Мерцедес го победи Инекс Горица со 3-1.

^{тргнаа со победа – Бел Мерцедес}

Инекс беа тие кои први се радуваа на погодок, откако Фармак искористи една одбиена топка и со глава ја смести во мрежата. Неколку минути подоцна Стојкоски израмна на 1-1, резултат со кој се отиде на одмор. Длабоко во второто полувреме, по серијата прилики на едната и на другата страна, на гол се радуваше Бел Мерцедес преку Велески. Инекс притисна имаше неколку прилики но не усепа да ги капитализира. Во последната минута од мечот Целакоски од својата половина ја погоди мрежата на Инекс за конечни 3-1.

немаа среќа во финишот – Инекс Горица

– Одигравме цврст натпревар, задоволни сме од победата, која ни ја отвата вратата кон осминафиналето – рече Ецкоски по завршувањето на средбата.

На вториот натпревар во оваа група, на победа се радуваше Интерлогистик кој со 5-2 ја победи Преспа. Јунак на мечот беше Сотироски кој три пати ја затресе противничката мрежа. Два пати погоди во првиот, а еднаш во вториот дел. Покрај Сотироски во листата на стрелци се запишаа уште и Ѓоршески и Џајкоски. Кај поразената екипа стрелци на головите беа Ибраими и Ајруловски.

– Значајна победа по која сме со една нога во осминафиналето, во наредните натпревари ќе се обидеме и да стигнеме до првото место кое би ни донесло и релативно полесен противник во осминафиналето – рече стрелецот на петтиот погодок Џајкоски.

Резултати 1 коло

Група Г