Фудбалерите на Охрид Лихнидос забележаа победа над Детонит Плачковица 2:0, во заостанатиот натпревар од Втората лига, што се одигра вчера на СРЦ “Билјанини извори”.
Стрелци на головите за Охрид беа Мартин Нически и Александар Ѓорѓиески.
Во вториот заостанат меч, исто така вчера, Караорман на гости го совлада Кожуф 0:2.
Победите на Охрид и Караорман се добра увертира за Езерското дерби во недела на “Билјанини извори” од 14 часот.
Охрид и Караорман се израмнети на табелата. Двете екипи имаат по 10 бода и се на делба на 7 место.
Г.М.
