По Илинденските празници ќе биде извршена смена на раководната позиција во јавното претпријатие за стопанисување со спортски објекти и паркинзи „Билјанини извори“. Како што неофицијално дознаваме решението за смена на актуелниот вршител на должност Иван Цветкоски веќе било потпишано од градоначалникот Петрески, а негово место ќе го заземе Илче Каневче – кадар на ВМРО НП.
Иван Цветкоски беше на чело на новото јавно претпријатие во изминатата година и мошне успешно ја извршуваше раководната функција. Во неговиот кус мандат беа реализирани повеќе спортски проекти, арената „Билјанини извори“ и спортскиот центар добија нов лик и содржини а успешно беа организирани едно сениорско Европско првенство во ракомет за жени, младинско светско првенство во ракомет и јуниорско ЕП во женска конкуренција.
Како што дознаваме Цветкоски и натаму ќе остане во ЈП„Билјанини извори“ и ќе биде распореден на друга функција.
Ohridnews
