Скопје догодина ќе подигне споменик на основоположникот на Словенската писменост, Св. Климент Охридски. За таа цел Општина Центар го објави Јавниот конкурс за изработка на идеен проект за подигање на ова спомен обележје. Според конкурсот,  ќе треба да биде изработена монументална скулптура на Св. Климент Охридски на постамент, изведена во траен материјал. Спомен обележјето се планира да се постави пред Народната и универзитетска библиотека “Св.Климент Охридски” во Скопје.

На конкурсот за изработка на овој проект може да учествуваат домашни и странски физички лица.

Првата награда за откуп на пристигнатите идеи изнесува 300.000 денари. Втората награда е со износ од 200.000, а третата награда е 100.000 денари. Изборот на идејниот проект ќе го врши Одборот за подигање на спомен обележјето. Конкурсните трудови треба да се доставуваат во архивата на Општина Центар, во Скопје најдоцна до 27.01.2010 година.

Општина Охрид, спомен обележјето  на Св. Климент кое се наоѓа на охридскиот полоштад го подигна во 2006 година.

Ohridnews