Турнирот во Дубаи ќе изгуби на квалитет и атрактивност, откако учеството после Рафаел Надал го откажа и Рожер Федерер. Швајцарецот одлуката ја објави на социјалните мрежи.
Беше одлично да се вратам на турнири, уживајќи во секоја минута од играта во Доха. Сега е подобро да се вратам на тренинзите, па решив да се повлечам од турнирот во Дубаи, напиша Федерер.
Во средата, 39-годишниот Швајцарец го одигра својот прв натпревар по пауза од 13 месеци, поради повреда на коленото. Федерер со резултат 7:6 (10:8), 3:6, 7:5 го победи Британецот Даниел Еванс во второто коло на АТП турнирот во Доха. Во четвртфиналето вчера Федерер загуби од Грузиецот Николоз Басилашвили (6:3, 1:6, 5:7).
OhridNews
