Селекторот на македонската фудбалска репрезентација Чедомир Јаневски има голема причина за задоволоство пред двомечот со Белгија. По Агим Ибраими гол формата ја потврдија репрезентативците Адис Јаховиќ и Александар Трајкоски кои се запишаа во листата на стрелци за своите екипи.
Јаневски во пресрет на дуелот со Белгија на “Филип Втори“ ќе биде на слатки маки околу кроењето на составот откако повеќето од репрезентативците се во одлична гол форма.
Мечот со Белгија е закажан за в петок на 22 март во 20:45, според последните информации националната арена “Филип Втори“ ќе биде исполнета до последното место.
Мх.П.
