Започнаа активностите за уредување на плажата на Сараиште. Од локалната самоуправа информираат дека по отстранувањето на пловните објекти од просторот, деновиве се очекува да се донесе нов песок, а ќе бидат поставени и канти за отпадоци и клупи за седење. Се вршат подготовки и за поставување инсталации за тушеви и соблекувални.
Поради големата посетеност на Сараиште, од локалната самоуправа најавуваат дека наредната туристичка сезона плажата ќе биде и проширена.
Уредувањето и опремувањето на плажата Сараиште се врши од страна на локалната самоуправа, а по барање на жителите од стариот дел од градот.
OhridNews
