Политичките партии за време на преизборната кампања за претстојните претседателски и локални избори, во Охрид, ќе имаат право да лепат плакати на три локации.
Општината денеска му издала налог на ЈП „Охридски Комуналец“ да постави тараби на оградата од ОУ „Григор Прличев“, а за плакатирање ќе се користат и тарабите од х. „Палас“ од страната на езерото. Новата, трета локација за политичко рекламирање ќе биде кај спортското игралиште на бул. „Туристичка“ на влезот во Охрид, каде исто така ќе биде поставена тараба.
одредени локациите за плакатирање
Според законот, општините се должни да одредат локации на кои учесниците во изборната кампања ќе можат да поставуваат плакати. За неодредување на такви места следи парична казна за локалната самоуправа, а санкции се предвидени и за учесниците во изборната кампања кои ќе лепат плакати надвор од просторот определен за таа намена.
