Пред се околу ова прашање не сакам да ме разберете дека мојот став е исполнет со критика спрема охридските трговци и угостители, односно сите оние кои вршат некоја услужна дејност и живеат главно од парите на туристите. Охрид како град несомнено е исполнет со премногу историски градби и природни убавини на кои секој би се се восхитил. Но тоа не е доволно за да можеме да речеме дека туристите би биле повторно привлечени да се вратат и идното лето во нашиот Охрид. Пред се за еден правилен развиток на туризмот важна е и услугата на сите оние кои заработуваат главно од туристите, а тоа е и главна гранка која ќе ја крене економијата и заживувањето на градот. Затоа во однос на нашата култура и услуга треба повеќе да се запрашаме. Барем да постои одредена насмевка и приајнтост кај сите оние кои што го продаваат својот производ независно дали се работи за: кафе барови, дискотеки, локални прдавници, маркети, продавници за облека итн. Бидејќи доволно е само едно “Добро утро”, “Повелете”, “Благодарам” и “Пријатно”, за да го надминеме нашиот несоодветен однос, бидејќи секоја пара треба добро да се заработи, но и да му стави крај на нашиот непријатен однос во изминатиот период. Само така ќе можеме да привлечеме повеќе странски и домашни туристи.
Александар П.
