Министерството за внатрешни работи изминатата недела во соработка со Координативното тело за интелектуална сопственост при Владата спроведе акција за спречување на пиратерија и фалсификати на брендови и трговски марки и пиратерија на кабловски оператори на подрачјето на Охрид.
Притоа од охридските кабелски оператоти биле одземени вкупно 19 ресивери за бесправно реемитување на програмски сервиси, од три интернет кафулиња биле одземени 31 компјутер кои користеле фалсификуван софтвер на „Микрософт“, додека од две продажни места на градскиот плоштад и чаршијата се одземени 711 фалсификувани маици од брендовите „Пума“, „Адидас“ и „Наик“ и со ликот на Тоше Проески, како и 100 пиратски ЦД-иња и ДВД со филмска и музичка содржина и 400 празни ЦД-иња.
OhridNews
