Македонскиот преставник во Јадранската лига, МЗТ Скопје претрпе пораз на гостувањето во Белград од Црвена Ѕвезда. Но, она што повеќе го загрижува тренерот Алеш Пипан се повредите на Дамјан Стојановски и центарот Урош Николиќ.
Д. Стојановски се повреди во првиот дел додека Николиќ теренот го напушти во третата четвртина. Дополнителните лекарски прегледи ќе покажат колку се сериозни повредите на двајцата кошаркари.
– Се надевам дека повредите нема да бидат од сериозен карактер. Подетално за нив ќе дознаеме наредните денови кога ќе се направат снимки. Што се однесува за мечот со Ѕвезда тие заслужено победија и ги казнија нашите грешки во втората четвртина. Во понатамошниот тек од натпреварот се обидувавме да се вратиме, но разликата беше недостижна – истакна тренерот Пипан.
Мх.П.
