После првиот ден од одржаните натпревари во Франкфурт на петтиот по ред турнир од ,,Светската 1 Премиер Карате Лига,, во конкуренција на 59 држави од целиот свет Македонските каратисти за жал не успеаја да освојат медал. Најблиску до медал и овој пат беше нашата најдобра каратистка Наташа Илиевска (Макпетрол) и каратистот Иво Цветковски (Металург). Сара Радичевска (Макпетрол). иако дебитираше се престави во извонредно светло и го освои високото седмо место во светската карате лига на турнирот во Франкфурт.


Најнапред Наташа Илиевска започна еуфорично успеа да ја совлада противничката од Канада, Кетрин Кембел со резултат 8-0, потоа победи со Тунижанката, Банатман Доуха со 3-2,во третото коло загуби од домашната натпреварувачка Германката, Јана Бич со резултат 0-2, во репасажните борби кои беа одлучувачки за медал, најнапред ја победи Финската спортистка Аронен Ема со 1-0, потоа забележи победа и против Чилеанката, Лорена Кастро со 2-0, и во борбата за бронзен медал загуби од нејзина добра познајничка Италијанката, Сара Кардин која успеа да ја совлада нашата спортистка со минимален резултат 0-1 и го освои бронзениот медал. Наташа Илиевска со остварените 4 победи и 2 порази оствари висок пласман на петтата позиција и освои нови бодови во Светската лига.


Иво Цветковски настапи во категоријата -75 килограми, тој успеа да победи во првото коло со спортистот од Тунис со резултат 6-2, потоа во второто коло победи со Германија со 4-0, во третото коло победи со Словачка со резултат 7-2, во четвртото коло загуби од Холандија на изјаснување, во репасажните борби најнапред го совлада Украинскиот спортист со 8-0, и во директна борба за бронзен медал загуби од преставникот на Америка Скот Томас со резултат 6-2. Иво Цветковски исто како и Наташа Илиевска оствари висок пласман на петата позиција.

Сара Радичевска младата каратистка на Макпетрол иако беше најмлада спортистка на овој турнир сепак успеа да оствари висок пласман од како во првото коло беше слободна потоа извојува победа со Канада резултат 2-1, во третото коло загуби од искусната повеќекратна
медалистка од Франција , Бети Акуелина со резултат 1-2 во неизвесна борба до последната секунда, во репасажната борба за медал загуби од Италијанката Вероника Коколи со резултат 0-1 и не успеа да влезе во борба за бронзен медал.

Ферат Корбуличи исто така имаше одличен настап тој имаше вкупно 2 победи и еден пораз успеа да ги победи претставниците на Германија и Латвија а загуби на изјаснување со резултат 2-3 од преставникот на Франција.

По една победа и еден пораз остварија Симон Антиќ и Томе Тодоровски

Наталина Синдилиева, Стојан Тасевски, Никола Илоски и Мартин Несторовски сите од (Металург), загубија во првото коло на светската лига во Франкфурт.

Ohridnews