Актуелниот градоначалник на Охрид, Александар Петрески од синоќа и официјално е единствениот кандидат за градоначалник на мартовските локални избори од редовите на СДСМ. Ова беше решено на вчерашната седница на Општинската организација на партијата.
СДСМ Охрид ја утврди и листата за кандидати за членови на општинскиот состав. Носител на листата е Бранислав Трпчевски, директор на МЈП “Проаква” а втор е Томислав Тунтев. Трет кандидат за советник е лекарката Виолета Мицкоска, четврти е секретарот на партијата Душко Јаковчески, а петти е Ахмед Патељ.
Потоа следуваат Орхидеја Тасеска, Ѓоре Танески, Зоран Лупевски, Роса Ангелоска, Дејан Дрвушоски, Зоран Родиќ, Бети Паункоска, Мите Здравески, Мирослав Ставрески, Благица Велјаноска, Борче Џајкоски, Гоце Ѓорѓиоски, Лидија Апостолоска, Влатко Симјановски, Млаљден Симоноски, Љупка Спасеска и Перо Крстаноски. Последен на советничката листа на општинската организација на СДСМ е Никола Галиот.
Ohridnews
