Охридскиот градоначалник Александар Петрески  беше единствениот градоначалник од Македонија кој учествуваше на 26-та Меѓународна конференција на градоначалници од целиот свет што се одржа во Ерусалим, Израел.

“Ова беше едно од најважните патувања во мојот градоначалнички мандат каде што црпев искуства како се менаџира со градови кои во себе ги спојуваат старото и новото”, изјави градоначалникот Петрески.


Најважно патување во мојот мандат – Петрески

“Покрај со 50 колеги-градоначалници од целиот свет, имав можност да разговарам со изрелските министри за надворешни работи, за локална самоуправа и за животна средина”, рече Петрески.

Тој се сретнал и со македонскиот амбасадор во Израел со кого разговарал околу можностите, израелски компании да инвестираат во Охрид.

Според изјавата на охридскиот градоначалник, сосема извесно е дека Охрид наскоро ќе се збратими и со израелскиот град Тибериј.

                        А. Ристоска