Во пукотници во клуб во близина на Сан Франциско, во кој настапувал добитникот на Греми награда Крис Браун, ранети се пет лица, соопштила американската полиција. Браун, кој настапувал на приватна забава во еден ноќен клуб, не е повреден во инцидентот.
Според соопштението на полицијата, сите пет ранети лица најверојатно ќе преживеат. Мотивот за нападот засега сеуште не е познат. Браун покрај другото на светската јавност најмногу и е познат по турбулентната врска со популарната пејачка од Барбадос Ријана.
