Секторот за внатрешни работи Охрид и Оделението за превенција, вечерва во 18 часот, во Основното училиште „Св.Наум Охридски„ ќе го одржат петтиот состанок со советодавната група на граѓани од Пештани.
На состанокот, ќе бидат презентирани предвидените активности од проектите „Доброволно предавање на нелегално оружје„ и „Превенција од злоупотреба на оружје„. кој се одвива под мотото „Да прославиме без оружје„.
Целта на овие проектни активности е едукација на населението за законската легислатива од Законот за оружје, укажување на потребата од избегнување на неовластена употреба на оружје, а особено негово користење на разни свечености и можните ризици и опасности од неговата злоупотреба.
Средбата со советодавната група граѓани ќе биде искористена и за конкретизирање на мерките за едукација на учениците за опасностите при употреба на пиротехнички средства.
На истата тема, утре од 18 часот, во просториите на поранешната Општина, ќе биде одржан 19-от состанок со советодавната група граѓани од Косел.
Во врска со овие планирани проектни активности, на состанокот, на кој ќе биде презентиран видео и пропаганден материјал, свои излагања ќе имаат претставници на Советот на родители, Секторот за внатрешни работи Охрид, Секторот за Образование во Општините Охрид и Дебрца, од Локалниот совет за превенција,Општата болница Охрид, Невладините организации, Црвениот крст, ОБСЕ .
