Поради постоење основи на сомнение за сторени две казнени дела „измама”, СВР Охрид, до надлежното Јавно обвинителство поднесе кривична пријава против две лица на возраст од 72 и 63 години од Скопје.

На 27 октомври оваа година околу 15,00 часот, на улицата „Марко Цепенков” во Охрид, пријавените пресретнале 81-годишно лице од Охрид и со намера да стекнат противправна имотна корист, го довеле во заблуда и лажно му прикажале дека направиле сообраќајна незгода. Потоа му покажале часовник кажувајќи му дека е златен и му побарале 2000 евра при што оштениот прифатил замена.

На 30.10.2018 година во 15.15 часот на улицата „Питу Гули” пријавените му пристапиле на 77-годишен старец  од Охрид и на истиот начин за случена сообраќајната незгода, го довеле во заблуда и му зеле 2000 долари во замена за наводни златни предмети.

СВР Охрид

 


Со извршувањето на казнените дела, пријавените се стекнале со противправна имотна корист од 220.000 денари, соопшти полицијата.

OhridNews