Над три милиони хектари шума изгореа до сега во големите пожари што ја зафатија Сибирската област во Русија. Чадот од пожарите стигна до Канада и САД. Ситуацијата е алармантна.
Massive wildlife tragedy as bears and foxes flee taiga, while smaller animals suffocate in smoke. Predators seek food in villages all around Siberia as climate expert warns of worse fires each year due to soaring rise in temperatures, 10C above average. https://t.co/xGVmCYcVI9 pic.twitter.com/KhtRIRsOID
— The Siberian Times (@siberian_times) August 1, 2019
Руските противпожарни сили потпомогнати од војската и населението тешко се справуваат со големата огнена стихија. Еден пожар се става под контрола, избувнува друг на друга локација.
Во опасност се тајгите во Сибир кои се дом на голем број видови флора и фауна. Преплашените животни бегаат од пеколните огнови кои се шират со огромна брзина.
фото: Weather2Umbrella
Од пожарите во Сибир загрозена е целата планета. Научната јавност предупредува дека пожар од вакви размери ќе има влијание на Арктикот и глобалната температура.
Пожарите во Сибир почнаа пред десетина дена. Властите не реагираа веднаш, сметајќи дека пожарите се во ненаселена област и не се закана, како и дека истите ќе се изгаснат сами од себе како што беше случај изминатите години. Кога властите се одлучија да интервенираат пожарите беа вон контрола. Претседателот на Русија Владимир Путин и нареди на војската да се вклучи го гаснењето на огнената стихија. Пожарите се гасат со сите средства од земја и воздух, но се стравува дека државата нема доволно средства и луѓе сега да се справи со огромните пожари кои полека се приближуваат до населените места.
OhridNews
