Со процесот на децентрализација на буџетски средства следната година ќе отпочне реализацијата на два капитални проекти во Општина Охрид. Станува збор за спортската сала во ОУ „Ванчо Николески“ во Лескоец и префрлање на ОУ „Кочо Рацин“ во нова училишна зграда на нова локација, информира градоначалникот на Општина Охрид, Кирил Пецаков. 
Два амандмани на пратениците од Охрид, на предлог на Општина Охрид и мој како градоначалник на одржаната комисиска расправа, но и на пленарната седница ги изгласаа мнозинството на пратеници во салата. Наместо заемот на Владата да заврши на непродуктивни работи, конечно после две години добар дел од средствата ќе завршат на конта на општините низ Македонија, вели Пецаков.
Следува, вели, отварање на наменски посебни сметки, трансферирање на средствата и со почетокот на наредната буџетска 2024 година тендерирање и почеток на градба.
Општина Охрид има 21 нови спремни и изработени проекти, некои со одобрение веќе, кои ќе започнат во текот на 2024 и почеток на 2025 година, додава Пецаков.
OhridNews
