Женската ракометна репрезентација на Македонија вечерва против Литванија ќе го започне квалификациоцкиот циклус за пласман на Европското првенство што в година ќе се одржи во Данска и во Норвешка.
Натпреварот кој се игра вечерва од 20,30 ч. во СРЦ „Кале“ е првиот во седмата квалификациска група, во која покрај Македонија играат Хрватска и Холандија. Во второто коло Македонија в недела гостува во Ротердам.
Двете првопласирани селекции ќе обезбедат пласман на континеталниот собир.
По освоеното седмо место на ЕП во Македонија, црвено-жолтите беа елиминирани во баражот за СП во Кина од Австрија со што беше прекинат континуитетот од четири настапи во серија на големите натпреварувања.
М.П.
