“Росонерите“ во дербито на Серија А на својот стадион го декласираа Наполи со 3-0. Предноста на табелата на Милан сега е изразена на пет бодови пред Интер односно шест бодови пред Наполи.
Напаѓачите на Милан беа на висина на задачата особено бразилецот Пато кој беше нерешлива енигма за одбраната на Наполи. Седмицата на “росонерите“ учествуваше во двата погодоци а третиот беше негово ремек дело.
– Секоја победа е убава, но не размислуваме за прваци. Мислите ни се насочени кон Торино каде играме со Јувентус. Да играш во ваков состав како што го имаме сега е прекрасно. Уживам, тие се вистински шампиони и ги чуствувам како браќа. Во второто полувреме одигравме како што треба, но тоа е склоп на одличната сезона што ја играме – смета херојот на “росонерите“ Александре Пато.
Видео : Милан го“здроби“ Наполи
Мх.П.
