Партиите се растрчаа: Џафери на средба со охриѓани. НСДП во нови простории

17.04.08 00:29

Откако Собранието се самораспушти и се закажаа предвремените избори, политичките партии уфрлија во 5-та брзина и ги интензивираа своите активности.

^{Арбен Џафери во Охрид}

Во Центарот за култура „Григор Прличев“ синоќа трибина одржа Демократската партија на Албанците. На трибината говореше почесниот претседател и сеуште висок партиски функционер, Арбен Џафери. ДПА на претстојните избори најавува победа над најголемиот политички ривал во албанскиот блок ДУИ со што партијата евентуално би ги задржала позициите во власта.

^{ДПА на средба со охриѓани}

Активни вчера беа и охридските нови социјалдемократи. По неодамнешните промени во огранокот, промени и на партиските простории. Општинската организација на НСДП синоќа ги промовираше новите простории кои се наоѓаат на булеварот „Туристичка“ бр. 30 – поранешен сервис ЕИ Ниш.

^{новите социјалдемократи во нови простории во Охрид
(фото архива)}