Во првото полугодие од годинава на деловната сцена стапнаа 3.428 компании. Нивните имиња се запишани во Централниот регистар и освен една голема и три мали, сите останати се микрофирми. Притоа, новите инвеститори најмногу биле охрабрени во јануари, кога се основале 707 компании. За разлика од првиот квартал од годината, во наредните три месеци се намалува интересот за отворање фирми, покажува анализата на порталот Пари врз основа на податоци од БизнисМрежа.мк.
РЕЧИСИ СЕКОЈА ПЕТТА НОВА ФИРМА Е ВО ТРГОВИЈАТА
Во однос на дејностите, традиционално најмногу новоотворени фирми има во трговијата – речиси секоја петта фирма е во овој сектор. Поточно, учеството на новите фирми од дејноста трговија на големо и трговија на мало; поправка на моторни возила и мотоцикли е 21,6 насто. Потоа се фирмите од секторот стручни, научни и технички дејности со учество од 11 насто во вкупниот број на новоотворени фирми. Учеството на други услужни дејности е 10,6 насто, на хотелиерите и угостителските објекти е 10,2 насто, и на крајот е градежништвото, каде што процентуалното учество во вкупниот број на новоосновани компании е 8,7 насто.
НАЈМНОГУ НОВИ ФИРМИ ВО СКОПЈЕ, БИТОЛА, ТЕТОВО, ОХРИД И КУМАНОВО
Ако се гледа каде се отвораат фирмите, очекувано, речиси половина се во Скопје. Во главниот град се отворени 47,5 насто од сите новоотворени фирми низ Македонија. На второ место е Битола, каде што се отворени 5,1 насто, па Тетово и Охрид со сличен процент како битолскиот, и на крајот е Куманово со учество од 3,3 насто.
Целата анализа е достапна на ЛИНКОТ.
OhridNews
извор. Пари.мк
