Јоргос Папандреу се повлече од премиерската функција во владата на Грција, откако вечерва на средбата со лидерот на опозиционата Нова демократија Андонис Самарас, што се одржа кај претседателот Карлос Папуљас, беше постигнат договор за формирање коалициона влада на национално единство.
Лидерот на опозиционата Нова демократија претходно истакна дека неговата партија прифаќа да партиципира во коалициона влада, но само доколку Папандреу се повлече од премиерската функција.
Според грчките медиуми новата коалициона влада ќе има краток век, до пролет, кога би се одржале нови избори, а за најсериозни кандидати за привремената премиерска функција се спомнуваат имињата на Петрос Моливиатис и Лукас Папимос.
OhridNews
