“Разговарав со претседателот на клубот Лотито и му соопштив дека сакам да го напушптам клубот и да се обидам во некој друг клуб да покажам дека вредам ,а сакам да освојам уште некој трофеј“ – ни изјави Горан Пандев кој има уште една година од договорот со Лацио. Римскиот калчо лигаш имаше доста турбулентна сезона, но на крај успеа да ја заврши сезоната со трофеј.– Сезоната во Лацио беше топло – ладно. Во серија А сакавме да се бориме за 4-то место кое води во ЛШ, но на крајот добро испадна со освојувањето на купот. Во текот на целата сезона имавме многу проблеми со повредите па менувавме доста варијанти во играта, сепак се добро се заврши со освојувањто на Копа Италија кој ја спаси сезоната.
Пандев не открива во кое првенство би префериал да игра но со забелешка до медиумите во Македонија околу шпекулациите поврзани со неговото име.
– Имам уште една година од договорот со Лацио и клубот одлучува за мојата иднина. Потоа ќе видиме дали тоа ќе биде Англија, Шпанија или Германија, не сакам да шпекулирам како некои медиуми во Македонија кои ме преселија во неколку држави. Јас имам свои менаџери кои преговараат со клубот околу мојата иднина – завршува Пандев
М.П.
