Очите на македонската спортска јавност утре ќе бидат впрени кон Амстердам Арената во Холандија од каде се очекува уште едно добро издание на нашиот интернационалец во редовите на Лацио Горан Пандев:

– Нормално дека натпреварот ќе биде извонредно тежок како и во Скопје, бидејќи Холандија е не само најдобриот тим во нашата група, туку и еден од најдобрите во светот. За мене лично ваквите средби секогаш биле голем предизвик да се надигрувам со ѕвезди од типот на Робен, Ван Перси, Хунтелар. Во претходните три средби покажавме дека можеме да им парираме. На последното гостување на Градски имаа многу среќа што верувам овојпат е наш ред – смета Пандев

Холандија по победата над Шкотска четврта во овие квалификации е на чекор до мундијалот но напаѓачот очекува со силна мотивација “лалињата“ да одиграат против Македонија. Според Пандев за нас е најважно да одиграме без терет, слободно бидејќи нема што да загубиме. Добриот резултат ќе биде голема мотивација пред решавачките пресметки во Јуни со Исланд и Норвешка.

OHRIDNEWS