Жители од улицата Дејан Војвода тврдат дека се под секојдневен стрес затоа што по интервенција на нивни соседи, сопственици на продавница и вила со апартмани за издавање, пајак службата постојани им ги подига возилата паркирани пред сопствените домови.
Според нив, пајакот ги крева посочените возила од страна на сопственикот на вилата, без разлика дали тие се точно или паркирани на несоодветно место. Тврдат дека тоа се случува дури и во вечерни часови во денови од викенд.
Од ЈП Комуналец, во чии рамки функционира пајак службата, велат дека тие интервенираат и ги подигаат погрешно паркираните возила единствено по налог од сообраќајната полиција, а не поради интервенција од одредени граѓани.
OhridNews
