На манифестацијата „Мостови“ со која традиционално завршуваат Струшките вечери на поезијата, синоќа на бугарскиот поет Љубомир Левчев му беше доделен „Златниот венец“. Оваа награда, која се смета за највисоко признание во светската поезија, на Левчев му ја врачи претседателот на УО на СВП, Славе Ѓорѓо Димоски.
На завршната манифестација на младиот естонски поет Сиим Кера му беше врачена наградата „Мостовите на Струга“ која ја доделуваат УНЕСКО и Струшките вечери на поезијата . Доделена беше и наградата „Браќа Миладиновци“ за најдобра поетска книга на македонски јазик, која годинава ја доби авторот Владимир Мартиновски.
На доделувањето на наградите присуствуваа претседателите на Македонија и на Бугарија, Ѓорге Иванов и Георги Прванов.
OhridNews
