О.У. „Григор Прличев“ е едно од трите основни училишта во државата, што врз основа на постигнатите резултати на натпревари е вклучено во проектот „Училишта партнери на иднината“, поддржан од германскиот Г.Т. институт.
На свеченост што ќе се одржи денеска О.У. „Григор Прличев“ ќе биде прогласено за германско партнерско училиште. На свеченоста, на која ќе присуствуваат претставници на германската амбасада во земјава и на поддржувачите на проектот, основците од „Григор Прличев“ ќе ги презентираат своите знаења и вештини, а свое обраќање ќе има и директорот на училиштето, Сашо Ставрески.
Споменатиот проект е продолжение на добрата соработка на О.У. „Григор Прличев“ со германските партнери, со чија поддршка во училиштетот факултативно функционира германска паралелка во прво одделение.
OhridNews
