Со бројни свечености ОУ „Григор Прличев“ денеска ќе го одбележи патрониот прзник.
Чествувањата ќе бидат заокружени со свечена приредба што ќе се одржи вечерва во Центарот за култура.
Традиционално по повод патрониот празник училиштето распиша литературно – ликовен конкурс. Првата награда на конкурсот за литературни дела ја освои Дамјана Видическа ученик во VII Б одделение, втората и припадна на Александра Гаврилоска – ученик во V Г одделение, додека третата награда ја освои Јулија Кироска ученик во VIII одделение во Рача, додека пофалница добива Исидора Јанева ученичка во VII Б одделение.
Прва награда за најубаво насликан портрет на Прличев освои Ема Ошавков ученичка во VII Д одделение, додека правата награда за скулптура и припадна на Мартина Целеска ученичка во VI Б одделение. Втората награда на ликовниот конкурс ја поделија седмоодделенките од Рача Јулија Кироска и Сара Јовческа, а третата Драган Мајсторовиќ VIII В одделение и Сања Ангеловска VII oдделение во Рача. Училиштето додели и повеќе награди и пофалници за литературни и ликовни творби на ученици до четврто одделение.
