Швеѓанката Илва-Марија Томпсон го отворила првото меѓународно училиште за секс во Виена, во кое сите заинтересирани ќе можат да научат како да бидат подобри љубовници. Австриското меѓународно училиште за секс, како што гласи официјалниот назив на оваа установа, нуди лекции од „прва рака“ за заведување и тоа по цена од 1500 евра за семестар.
Во училиштето можат да се запишат лица постари од 16 години, а постои дури и студентски дом од мешовит тип, каде што учениците можат да ги вежбаат своите „домашни задачи“. По завршувањето на курсот секој од учениците добива и диплома за својата стручност.
